Cymraeg / English

	Adref Eto
	Cofnod yr Amgylchedd Hanesyddol
	Ffurflen Ymholiadau HER
	Canllawiau ar gyfer Hawl i Weld a Chodi Tâl
	Adfer Costau
	Hawliau a Ffioedd Atgynhyrchu

Cofnod yr Amgylchedd Hanesyddol

Hawl y Cyhoedd i Weld a Chyfleusterau Chwilio

Hawl y Cyhoedd i Weld
Rydym yn croesawu ymholiadau ynghylch amgylchedd hanesyddol gogledd-ddwyrain a chanolbarth Cymru. Gallwch wneud hyn drwy lythyr, dros y ffôn, dros y ffacs neu drwy e-bost. Gofynnir i bawb sy'n gwneud ymholiadau lenwi ffurflen gais ar gyfer ein cofnodion, ac mae'r rhain ar gael ar gais. Neu gallwch wneud cais am wybodaeth trwy lenwi'r ffurflen ymholiadau ar dudalen Ffurflen Ymholiadau Cofnod yr Amgylchedd Hanesyddol. At ddibenion gweinyddol, ac er mwyn atal camddefnyddio gwybodaeth, gofynnwn i bob defnyddiwr ddweud wrthym pam eu bod yn gwneud ymholiadau, a chytuno ar ein hamodau a thelerau hawl i weld (gwelwch Ymddiriedolaethau Archaeolegol Cymru Canllawiau ar gyfer Hawl i Weld a Chodi Tal).

Pan fydd yr ymholwr yn ffacsio ffurflen gais i'r HER, fe ddylai hefyd ffonio i gadarnhau bod y ffacs wedi'i dderbyn.

Unwaith y bydd y wybodaeth wedi'i dwyn ynghyd, fe fydd yn cael ei throsglwyddo i'r ymholwr trwy'r cyfrwng mwyaf addas, naill ai yn electronig trwy e-bost, neu drwy'r post. Gellir casglu deunydd o swyddfeydd CPAT os gwneir trefniadau ymlaen llaw.

Cyfeiriad Post -
Swyddog Cofnod yr Amgylchedd Hanesyddol
Ymddiriedolaeth Archaeolegol Clwyd-Powys
7a Stryd yr Eglwys
Y Trallwng
Powys
SY21 7DL

Ffôn - 01938 553670

Ffacs - 01938 552179

E-bost - ffurflen ymholiadau

Wefan - tudalen Cofnod yr Amgylchedd Hanesyddol

Oriau agoriadol - Dydd Llun i Dydd Gwener 10yb i 12yp a 2yp i 4yp.

Deddf Diogelu Data (1998) -
Mae yna hawl i weld yr HER i archwilio gwybodaeth bersonol sydd wedi'i chadw mewn system gyfrifiadurol sydd wedi'i chofrestru dan y Ddeddf Diogelu Data (1998). Cesglir y wybodaeth hon at ddibenion gweinyddu cofnodion Ymddiriedolaethau Archaeolegol Cymru a darparu cyngor archaeolegol. Defnyddir y wybodaeth i fonitro a gwella'r gwasanaethau y mae Ymddiriedolaethau Archaeolegol Cymru yn eu cynnig. Ni ddarperir hi i unrhyw asiantaethau neu unigolion allanol. Os oes gennych unrhyw ymholiad neu bryder ynglyn â hyn, cysylltwch â'r Ymddiriedolaeth Archaeolegol Cymru berthnasol (mae'r manylion cysylltu yn Ymddiriedolaethau Archaeolegol Cymru Canllawiau ar gyfer Hawl i Weld a Chodi Tal).

Cyfleusterau Chwilio
Darperir terfynell gyfrifiadurol i'r cyhoedd ei defnyddio yn swyddfeydd CPAT yn 7a Stryd yr Eglwys er mwyn i'r cyhoedd allu mynd ati i chwilio eu hunain. Bydd aelod o staff ar gael i roi cyfarwyddiadau ac i gynorthwyo wrth ichi chwilio.

Gallwch ddefnyddio'r llyfrgell a'r ystafell gyfarfodydd yn 7a Stryd yr Eglwys i astudio amrywiaeth o lyfrau, cylchgronau, ffotograffau, mapiau, lluniadau a dogfennau printiedig sy'n ymwneud ag archaeoleg a hanes.

Mae yna gyfleusterau llungopïo a sganio ar gael.

Mae yna gyfleusterau toiled ar gael.

Mynediad i'r Anabl
Mae'n ddrwg gennym nad oes gan swyddfeydd CPAT yn 7a Stryd yr Eglwys fynediad neu gyfleusterau ar gyfer pobl ag anableddau. Bydd staff Cofnod Amgylchedd Hanesyddol CPAT yn ateb ceisiadau am wybodaeth oddi wrth ymholwyr ag anableddau, a naill ai'n e-bostio neu'n postio'r canlyniadau atynt.